鄧穎芝日前同陳苑淇去咗霍啓山嘅派對，惹出姣媾富家子之說。前晚鄧穎芝喺荃灣出席活動，竟然話唔知霍啓山乜嘢樣，佢話：「我唔知佢喺度，我唔識佢，唔知佢乜嘢樣。」鄧穎芝話第二日見老竇攞住份報紙嚟睇，仲擔心俾佢鬧，佢話：「爹哋信我，我感動到喊咗出嚟。」另外，早排鄧穎芝喺個騷度同EO2嘅Otto玩得太癲，被對方掂到個胸，佢話：「公司告誡咗我，以後唔會玩到咁癲。」