02年大除夕，與前夫分手的一幕，Angela永遠忘不了——「咁多年，我付出咗咁多，乜嘢都夠啦！你𠵱家講乜都冇用。」當年丈夫趕時間與第三者迎接新年，殘酷地拋下絕情的一句話，終令Angela死心，決定為這段糾纏不清的三角關係畫上悲哀的句號。
母兄撞車雙重打擊
「當日我阿媽同阿哥因為撞車入咗醫院，佢（前夫）陪我去醫院探病，諗住佢會同我一齊過除夕，點知佢一早約咗第三者去玩。」Angela擔心家人傷勢之餘，前夫又離她而去，面對連番打擊，令她幾乎崩潰：「我坐喺條街，好徬徨，真係冇咗個老公，唔知點算。當時條街啲人好開心，啲情侶喺度接吻慶祝新年；呢個日子嚟分手，特別hurt（傷痛）！」
當年僅30歲的Angela，在絕望下萌生自殺念頭，猶幸生死一線間，想起對家人的責任，一群關心自己的朋友，Angela立即找朋友傾訴，紓緩了負面情緒，不致枉死。不過，Angela形容這段日子，一點也不好過：「試過無端端喺度喊，情緒好唔穩定。」然而，生活仍要繼續，從事文職工作的Angela再踏足情場，寄望這次能夠開花結果。
本報記者