薩拉戈薩嘅阿根廷借將廸阿歷辛度最近拒絕球會正式簽約加盟嘅要求，反而接觸樸茨茅夫想話今季結束後返回英超。我求大俠真係唔明，薩拉戈薩現時排緊西甲聯賽第5位，而且隊波好多阿根廷同胞，係我就𦧲飯應喇！而且，上季「老樸」成績差到幾乎要降班，廸阿歷辛度隨即走人，現時見球隊排緊第6位就話要回巢？你肯「老樸」球迷都唔制喇！