現年34歲的鄭秀文（Sammi）拍畢《長恨歌》後深居簡出，一直自困在家，有傳患上抑鬱症，就連加入東亞唱片的簽約記者會也臨時失場，激得老闆林建岳紮紮跳；另一邊廂，自出道被指形象抄襲Sammi、現年33歲的楊千嬅去年約滿金牌唱片及經理人約，之後過檔林建岳的東亞唱片，此舉即激發久休的鄭秀文急忙復出，究竟兩位一姐於同一唱片公司下，邊個先至係真一姐呢？
蘇民峰話：「Sammi喺34至44歲行才運，利讀書創作，如果佢再去讀書，都會有另一個發展，我知佢平時都有畫吓畫，但呢樣唔係一個藝人嘅才運；至於千嬅嘅大運係29至39歲，而佢嘅忙運就係29至34歲，即係話07年佢會冇咁忙，咁基本上佢兩個都唔使爭，兩個都處於調整心態。」