乜都順利
徐小姐 市場營銷
「希望今年乜都順順利利，上年工作好忙，冇機會去旅行，希望今年去到。」
升職加薪
梁先生 旅遊業
「上年好多人外遊，公司賺到好多錢，希望可以升職加人工。」
考試好啲
梁小姐 中五生
「希望今年會考要考好啲，最緊要升到預科。」
搵多啲錢
馬先生 成衣業
「我畢咗業半年，今年要搵多啲錢，我覺得𠵱家經濟真係好好。」
自我增值
Sharon 旅行社票務員
「07年想讀好啲英文，自我增值。以前冇去過旅行，希望可以賺到啲錢去泰國玩吓！」
工作穩定
Dennis 零售業
「去年啱啱轉咗新工，希望工作穩定，又希望新一年可以考番個車牌，買車做車主。」
