恒指突破2萬點，港交所（388）話明唔會開香檳慶祝，網民亦好克制，仲話要探討一下牛市是否已經玩完，可見大家已經有晒戒心，個市未必咁快玩完。
網友roy11111111喺《uwants.com討論區》貼咗11項牛市見頂徵兆，邀請會員發表意見，睇吓現時牛市是否已經見頂。呢啲指標算係比較客觀，幾有參考價值。
11項講中近半
1.大市平均市盈率（PE）升到歷史高位；
2.利率趨升，進入加息周期；
3.貨幣供應量收縮；
4.基金持現金量大減甚至達零；
5.市場大部份分析員一致看升，達到牛市共識；
6.新股上市數目大增；
7.大市走勢出現頭肩頂、雙頂；
8.公司大股東減持；
9.大市對利好消息無太大反應，不升反跌；
10.投資人或基金換馬，大手買入周期性上升股，捨棄盈利穩定的公用股；
11.全民皆談股市，傳播媒介大事報道
亨達集團研究部董事黃敏碩對其中6項並不同意，首先他認為現時大市平均市盈率只是16至17倍，起碼要到18至19倍才算高位；亦不見得現時會進入加息周期，大股東減持亦未成為普遍現象。不過，他同意第4項，並指出傳統基金開始借錢投資。
奧運前料難跌
咁討論區嘅會員又點睇呢？「鍾欣桐」就覺得：「除咗11之外其他都唔太中，雖然啲人話07會股災，我覺得唔會，今次升浪係中國經濟發展所帶來，而中國呢個發展期起碼過埋08奧運先會減速，所以07年依然係Bull（牛市）。」
財經網聞報料站
《蘋果》財經網聞版請你報料！世事千奇百怪，大家無論在網上網外發現任何古靈精怪的財經趣事，都歡迎提供文稿、照片或短片資料，與讀者齊齊分享，一經採用，可獲酬100元。
請附姓名、電話及電郵地址，電郵到：[email protected]