【本報訊】被火警鐘嘈醒，開門發現走廊好大煙好熱，估計發生火警想開鐵閘逃生，但懷疑鐵閘受熱鎖頭壞咗開唔到，只好走返入屋報警。好彩消防員好快嚟到，幫我撬開鐵閘帶我走，如果唔係就唔知點算啦！」居住在火場隔鄰單位、從國外回港定居的陳小姐，對消防員專業拯救行動大表讚賞。
見到消防成個鬆晒
火警期間大量濃煙經梯間湧向上層，令樓上多戶住客逃生無門被困，須消防員協助帶到安全地方。居住在23樓的孔先生一家三口，同樣在睡夢當中被火警鐘響驚醒，與隔鄰單位一對夫婦共5人一同企圖沿樓梯落樓逃生，結果「有路走不得」。
「沿樓梯落樓逃生，點知愈落愈大煙，愈覺呼吸困難同口亁，大家都怕愈落愈危險，落咗5層樓後決定返回住所報警等人救。」孔先生形容，在等候消防員到來的10多分鐘內，驚至忐忑不安，當消防員拍門指火勢受到控制毋須疏散時「成個人鬆咗！」