韓國MBC電視台前晚舉行咗「2006放送演藝大獎」，表揚非劇集節目藝人，搞笑主持人劉在錫奪全晚大獎，而性感女星鉉英就獲頒人氣獎同綜藝單元節目女優秀獎。擔任表演嘉賓嘅SE7EN係全晚女星殺手，佢除咗收到女新人畀佢嘅玫瑰外，又準備咗條絲巾送畀台下嘅女搞笑藝人鄭善喜，雖然SE7EN早前喺電影頒獎禮上用過呢招冧影后張真英，但橋唔怕舊，睇鄭善喜嘅「反眼」冧樣就知啦。