一年一度嘅《紅白歌唱大賽》將會喺今晚舉行，一班歌手前日進行公開綵排。「新人王」絢香將會喺五米高台上演唱大熱歌曲《三日月》。雖然絢香事前話自己冇畏高，不過到正式綵排時，佢企喺高台上唱唱吓歌竟然驚到大叫。至於性感女歌手倖田來未綵排時就密實上陣，但佢預告正式演出時一定唔會令觀眾失望喎！