鄭希怡（Yumiko）早前發生《東華》甩褲事件，全世界看得最清楚的應是扯甩其褲的錢嘉樂，前晚他們再在無綫碰頭，錢嘉樂被問到會否娶Yumiko，他即謂可做男女朋友。男未婚女未嫁，有機會發展也說不定，Yumiko則叫對方不能反口。
鄭希怡與錢嘉樂及黃德斌早前在《歡樂滿東華》節目內合作表演空中飛人時，發生Yumiko被扯甩褲事件後，前晚三人再次聚首，到將軍澳錄影節目《問題娛樂圈》。
Yumiko不知是否有陰影，前晚在長裙內還加着長褲，她表示再見二男不會感到尷尬，Yumiko說：「玩遊戲啫，事先我都唔知同佢哋一齊玩。」問她會否提出要二男讓她，Yumiko說：「男仔係應該讓女仔，我之前玩《15/16》，三次都冇攞獎，今次想打破慣例，新一年轉運。」
大讚對方靚女
之後三人一同接受無綫《東張西望》訪問，主持問錢嘉樂會否履行諾言娶Yumiko，他即笑說：「傳吓傳吓傳到唔同晒，佢咁靚女點會冇人要，我當時係話如果佢冇男友，就我要。」在旁的Yumiko即說：「你想反口呀？」錢嘉樂聞言謂：「你咁講我就有啲揸拿啦。」
後來錢嘉樂接受訪問，問他有否慰問Yumiko，他說：「OK啦，我睇電視見佢出席公開場合都笑容滿面。」問他玩遊戲時會否讓Yumiko，或贏了獎金送給她？錢嘉樂謂：「佢咁叻咁醒目，畀佢贏啦。我知今日要同Yumiko玩呢個遊戲，唔知有埋黃德斌，鬼叫監製又係姓錢咩，朋友係要嚟出賣，擺我哋上枱。」
時間沖淡一切
Yumiko談到遊戲中要拿娛樂新聞頭條作話題，問她可擔心甩褲新聞被擺上枱，她說：「應該唔會，不過呢單係發生過嘅新聞，我咪當其中一件新聞咁睇囉。」她又重申再見錢嘉樂及黃德斌不感尷尬，她說：「唔緊要，大家朋友又係隊友，過咗段時間冇乜嘢啦，玩遊戲最緊要開心。」
採訪、攝影：卓美娟
