「SETOUT,SETOUT,SETOUT...」近日高登討論區一段「泰國版幪面超人」的論題，連結到YouTube短片引起網民的熱烈反應。
有無聊的網友將幪面超人「出巡」的泰國版歌曲配上中文的不文譯音歌詞，令許多網民捧腹大笑：「真係好正啊~~~聽咗n次，笑到唔停口……」
「啲電單車慢到乜咁，阻晒後面啲車，最尾仲要揮手，衰到冇朋友。」對於這段點擊率高近1.8萬次的片段，網友意見多多。
網友「蔡卓妍條仔」說：「狂俾人爬頭，旁邊架綿羊仔仲快過佢，而且得一個鏡頭，『拍啲車之後pan右』，好粗糙。」
Haul-Away說：「笑到我吖！佢拍電單車，後面就咪鬼有車啦，影到自己架車慢到死，仲阻住晒條路……最慘一路揸車一路揮手。」
Parabola認為：「似旅遊節目多啲，不時影下啲風景。」網友「a---i」則指出：「真係不推（薦）枉為人，入落去PSP度聽先。」