名模周倩圯前晚與石詠莉於中環一間酒吧行騷，二人穿性感低胸裙上陣，周倩圯謂經常要以性感打扮示人，故做足安全措施，不擔心走光。談到早前與吳綺莉及小龍女到添馬艦耍樂，她說：「朋友啫，我哋喺香港識，我好鍾意佢個女，好乖好得意，平時我叫佢做姐姐，佢叫我做妹妹，好識𠱁人。」
交換電郵地址
周倩圯在12月26日生日，早前便與朋友到韓國旅行慶祝，問其男友可有同行，她堅稱自己單身，又自爆在韓國有艷遇，周倩圯說：「我去咗睇Rain演唱會，鍾意咗佢，可能呢排煲得韓劇多，迷上韓國男仔，好似權相佑，眼細鼻高咁。我遇到個男仔都係眼細鼻高，仲高過我，佢走嚟結識我，好開心呀，我哋用簡單英文同身體語言溝通，仲交換咗電郵地址，我想去學韓文，睇吓同佢有冇機會發展。」
周倩圯又謂在飛機上遇到一名馬來西亞的空中少爺，對方熱情地與她聊天，並向她索取電話號碼，她說：「我都係畀咗email地址佢，不過我鍾意韓國嗰個多啲，希望07年有機會。」
採訪、攝影：楊潔雯
