鞏俐為宣傳目前喺北美上映緊嘅《滿城盡帶黃金甲》，日前接受美國紐約一份報章訪問，當中佢提到美國人對亞洲人有好多誤解，所以唔敢到內地旅遊，有啲美國人以為中國人唔止食狗，仲連人肉都食埋，所以鞏俐希望電影可以喺文化交流上起到作用，從而吸引更多人到中國玩。鞏俐又話未來日子都會喺荷李活拍戲，因為現時中國劇本題材好狹窄咁話。