周末波膽過關博豐厚回報，可用兩場英超聯主隊贏1:0，拖英冠聯史篤城主場和列斯聯1:1，以及普雷斯頓作客贏2:1兩瓣串射。
保頓主場對樸茨茅夫呢場戲碼平平，但其實係聯賽榜前列位置嘅大戰，雙方各挾近期連勝不敗佳勢，睇保頓今季聯賽對前列球隊，除咗彈出嘅曼聯及車路士之外，對阿仙奴、利物浦及熱刺都錄得勝果，呢場主場確值秤高多少，就博佢哋又嚟贏1:0。
紐卡素呢班波，近月不斷出現主力傷兵，領隊羅達亦唔算係畀到人信心嗰隻，偏偏愈贏愈有，上仗雖然作客輸畀保頓，但盤路走勢依然強勁，近13場亞洲盤贏足11場，有望繼續回吐。今仗續作客出戰，對手係硬淨分子愛華頓，當捧主隊開熱門贏波戰果，贏1:0。
史篤城反覆難勝列斯
英冠聯史篤城開始走勢反覆，早前連勝多場後，近期贏輸戰果夾雜，今迎列斯聯呢支近況麻麻嘅球隊，都未必有贏波把握，，即管試下1:1和波。
另文提及嘅新特蘭主場對普雷斯頓捧下盤，一於向埋波膽着手。呢場夠膽博埋普雷斯頓波盤齊贏，睇新特蘭今季主場輸波，全部係1球僅敗，以普軍近期連場取得入球情況睇，可博客隊勝2:1。文：華度