唔經唔覺梅艷芳已經離開咗三年，今日係佢嘅死忌，佢嘅大哥梅啓明噚日喺佢逝世嘅養和醫院外致祭，佢話：「我已經同有關當局申請，會點香點到第二日，梅媽因為唔舒服所以冇嚟，我今日帶咗阿梅最鍾意食嘅嘢嚟。」早前梅媽接受有線娛樂台《玄機解碼》訪問，佢話三年前佢趕去醫院時，先知個女已經七日冇開過眼，冇幾多日阿梅就去咗，梅媽講到呢度已經忍唔住熱淚盈眶。