最近很多名人也有出食譜書，新鮮出爐的就有馬德鐘及黃雙如。雙如煮食出名要用矜貴材料及花相當時間，馬德鐘的食譜則以普遍材料及簡單煮法為重點。究竟兩位所寫的食譜普羅大眾能否照辦煮碗，不如請煮食高手Peggy即席示範。
記者：林佩婷
攝影：楊錦文
示範：Peggy
德鐘 簡易派
沙甸米紙卷
需時：15分鐘
價錢：$30/2人
材料：鹽水沙甸魚1罐、米紙3塊（浸軟）、沙律菜1棵、碎黑胡椒/沙律醬/百里香各少許
做法：先用濕布弄軟米紙，沙甸魚加入百里香葉攪勻，在米紙上鋪上沙律菜及沙甸魚，之後捲埋切半。上碟後撒上黑胡椒及沙律醬。
評語：過程快夾易
馬德鐘教的這款小食相當有越南風味，最重要是材料易買，又不用開火，作為奉客小食非常方便，可以說是完全無難度。
亁果蜜蛋白酥餅
需時：1.5小時
價錢：20/2人
材料：蛋白3個、砂糖150克、幼鹽/亁果粒/合桃/芝麻各少許、檸檬汁2茶匙、檸檬皮茸1個、蜜糖3湯匙
做法：以150℃預熱焗爐，大碗內放入蛋白及幼鹽，用打蛋器打至起泡，逐少加入砂糖打至溶解及蛋白企身。將蛋白分成不同等份，放入焗爐焗1個鐘，小心取出後待涼。亁果粒加入蜜糖、檸檬皮茸及檸檬汁攪勻淋上餅面，最後撒上芝麻及合桃。
評語：啱整餅人士
上述食譜啱晒鍾意整餅的朋友，除了需要焗爐、打蛋器等工具，烹調技巧並無特別，感覺沒有甚麼難度。
雙如 矜貴派
百花釀花菇
需時：9小時（未計浸菇時間）
價錢：$50/2人
材料：大花菇8隻、海蝦280g、榛子油1-2茶匙、海鹽1/2茶匙、蝦子/生粉各少許
醬汁：瑤柱上湯1罐、三溫糖/海鹽/麥芽糖各1/2茶匙、人參酒1茶匙
做法：將花菇放入冷水浸2日，每12小時換一次水。用生粉搽勻花菇然後用水沖洗。炒熟花菇放入電子瓦罉加水浸至花菇上2吋，燜8個鐘，之後將花菇水及花菇分開。將蝦拍成蝦膠加入海鹽調味，蝦膠釀在花菇上。於鑊中加榛子油後將釀花菇炒約30秒。放上碟後淋上煮滾的醬汁及撒上蝦子便可。
評語：搵材料難到爆
看雙如食譜，單是浸花菇便要兩日，燜又要8個鐘。又說最好用合桃油去炒一炒花菇，但找勻高檔超市及city'super都買唔到。另一方面，又說炒花菇最好用鵝油及美國花旗參酒，相信普通家庭主婦都未必知道如何去買這些材料。整體來說，煮一個餸要用3日時間，普通主婦未必有興趣。
蜜餞沙井蠔
需時：1.5小時
價錢：$30/2人
材料：沙井蠔6隻、榛子油1湯匙、人參酒1茶匙、蜜糖或三溫糖少許
做法：沙井蠔先浸1個鐘，用水沖洗亁淨後，蒸20分鐘。於鑊中加榛子油將蠔炒至金黃色，熄火後倒入人參酒，上碟後淋上少許蜜糖或三溫糖便可。
評語：呢個最易搞
綜觀雙如咁多個食譜，呢個似乎最易煮，雖然材料依然難買，只能用其他代替品，但仍能做到味道爽口之餘，還帶有一股甜味，相信一般主婦都能成功炮製。
總評：德鐘小勝
總括來說，黃雙如食譜用英文來寫，普通主婦已經唔識睇，每個餸成本亦相對地高一點，但用來宴客就有矜貴的感覺。馬德鐘食譜相對地簡單，最啱年輕人選用。不過相似的食譜在市面上流傳亦不少，感覺較普遍。
