葉翠翠、陳山聰和陳敏之前晚在將軍澳錄影無綫節目《問題娛樂圈》，早前葉翠翠的前男友李逸朗（Don）接受訪問時自稱跟合和太子爺胡文新的斷背緋聞純屬被人屈。問葉翠翠可知此事，她說：「內情我唔清楚，當事人清楚啲。」
「唔明點解咁講」
有指葉翠翠搬離與阿Don共賦同居的西環泓都住所，阿Don曾表示住所變成「示範單位」，對方連廁紙筒內的廁紙也取走，葉翠翠聞言面有難色，並說：「唔明白佢點解咁講，咁我搬屋，梗係搬走自己嘅嘢啦。」
續問葉翠翠可覺得阿Don小家？她說：「唔知件事係點，自己都係以讀者身份去睇。」
葉翠翠謂跟阿Don已沒聯絡，問她會否當對方是朋友，她說：「我永遠都當佢係朋友，佢可能有苦衷。」問她可認為對方製造新聞博見報？她說：「我入行年資短，唔識答。」回答完問題後，葉翠翠還眼泛淚光。
採訪、攝影：卓寶花