聖誕新年嘅快車期，對鍾意賭波嘅球迷，真係過佳節嘅好節目，不過對球員嚟講，連拼咁多場，體力已經差，要贏波只好靠鬥志，近期順開嘅球隊，就不妨再追。
熱刺主場對利物浦，開出平手盤，真係有啲「鬼」。熱刺話晒主場7連勝，上仗打低維拉並唔係「符碌」；相反利物浦上仗輸畀布力般，作客攻力平平情況又再浮現。講真如果莊家開得辣啲，熱刺讓平/半都唔出奇，不過利物浦始終名氣夠響，對賽往績又佔優，已經近6次對熱刺未輸過，所以先開個平手盤畀大家玩。
熱刺唔使讓咁着數，當然要捧佢；話晒熱刺連打兩場主場，體力都賺晒連打兩場作客嘅利物浦，而且廸科爾近期腳風轉順，追多一次都無妨。
曼城有望再次搶分
另外推介曼城下盤，曼城近期嘅風雲人物，梗係後衞米卡李察士；呢位18歲新星，已經俾車路士睇中，明年1月好大機會一登龍門，聲價十倍。韋斯咸今次主場讓平/半，上仗已經係類似盤口，輸畀樸茨茅夫；加上球隊有好多球員，好似馬斯真蘭奴、泰維斯等都有離心，戰意真係有問題，曼城絕對可以連續兩仗搶分。
謝利
立博亞洲區首席博彩顧問
電郵：[email protected]