06流行買玩具，各位成熟的Kidult們，紛紛使出財富的冰山一角來玩玩足球，你買維拉，佢買利記，我就買咗韋斯咸。
Hi，我就係買咗韋斯咸嘅馬路臣嘞，其實作為一個非常識波嘅冰島富商，我當然諗過買第2隊波嚟過吓癮啦。不過唔使1億英鎊整隊韋斯咸，除咗過足波癮，以佢哋青訓咁多產，長遠真係有賺！
刀仔鋸大樹
正如睇戲一樣啫，大製作固然係假期節目，但係小成本亦隨時有好嘢，一個唔覺意博人一句清新秀永，咁就刀仔鋸大樹啦。
其實你見我睇波成日打條紫色呔，就知我係真心韋斯咸fans。嘩！5月足總盃差啲攞冠軍呀，好彩攞唔到啫，唔係隊波肯定要貴啲先買到；8月又多咗兩個阿根廷兵喎，仲係跳樓貨價錢，唔理佢好唔好打，遲啲賣出去又賺一筆。哈！年尾兩個月仲搞掂咗阿仙奴同曼聯㖭，真係型爆！不過跟住又畀保頓數鋪大嘅，咁我就手起刀落炒咗柏度囉。07新年願望？韋斯咸唔好降班，柏度嘅查爾頓唔好護級成功。
馬啓仁
愈講愈有味道，卻堅持「鎚仔」先係正路。