望望枱頭嘅月曆，仲有兩日，就踏入2007年，應該都係時候嚟個2006大事回顧喇！
今年印象最深嘅，莫過於環球之旅，短短3個月之內，走遍全球6大洲，39個城市，旅程中嘅所見所聞，叫人畢生難忘。
畢生難忘的旅程
因為一個足球，一次嘅世界盃，攝製隊走到人如潮湧嘅涉谷車站，拍踢波；踢到南韓嘅三八界線，體會首爾人思鄉之情；轉戰悉尼，羅拔仔帶我哋踩入足球電視台；而洛杉磯，就只有影星，沒有球星；墨西哥城榜首大戰，親歷球迷騷動；跟足球名宿鄭國根，於聖荷塞晚餐，獲益良多；安第斯山高原，邂逅賣氧氣的可人兒姬絲天娜；阿根廷貧民區，遇上賣磁貼供自己讀書嘅14歲少年安祖；巴西站，買一對波boot可以分期6個月找數，生活迫人；加納、多哥嘅赤腳足球，展現非洲足球嘅狂野；深入意大利集訓營，跟無名英雄格羅素合照。
希望響不久將來，再有出國遊歷的機會，期待着更多海外受訓嘅機會！
馮嘉奇
碩士球員讀萬卷書，親身歷盡各國足球風情。