中國第四大壽險公司新華人壽，創辦人兼董事長關國亮因惹上麻煩要辭職，《新華網》報道，佢涉嫌違規運用保險資金，受中國保監會調查，已辭去董事長一職。保監會消息話，佢違規運用保險資金投資房地產，違反《保險法》咁話。
04年新華人壽決定暫緩上市，關國亮就此曾經回應話：「孔夫子說君子有三畏，畏天命，畏大人，畏聖人之言。我有一畏，就是敬畏市場。」事過境遷，或者佢𠵱家會講：「我有一畏，就是敬畏市場監管者。」
除咗關國亮，上海另有一個董事長俾人查，足見市場行情緊湊，中國大型零售集團上海百聯董事長薛全榮，據報已被要求協助官方調查，有關上海最大嘅購物中心（百聯中環購物廣場）貸款案，睇嚟，內地嘅大老闆近排真係有得震，冇得瞓。