澳門近年大事發展，賭業及旅遊業百花齊放，明星和模特兒都大為受惠，昨日名模周汶錡、姚書軼（Mikki）也齊齊過江掘金。國民黨榮譽主席連戰的兒子連勝文下月結婚，舊愛周汶錡表示沒收到消息，所以會打電話罵他。 澳門直擊
萬事達卡（MasterCard）昨日在澳門舉行「TheBestofMacau2006」頒獎禮，名模周汶錡、姚書軼及澳門小姐出身的模特兒陳沛嘉齊齊出席活動。
周汶錡提到前緋聞男友、國民黨榮譽主席連戰的兒子連勝文結婚，周汶錡自認out，並不知情，她說：「真係唔知喎，我好忙，冇留意。」言下之意，即沒收到對方的喜帖，周汶錡說：「真係冇收到帖，我都恭喜佢！不過我要打電話鬧佢，結婚都唔通知聲！」她謂常去台灣工作，但來去匆匆，已有一段時間沒見過連勝文。
「唔慣使男人錢」
周汶錡自爆曾在日本瘋狂購物碌爆卡，卻從沒收過男友的附屬卡，她自豪地說：「女仔自己賺錢自己使，唔開心咩？唔一定要用男朋友嘅信用卡，唔習慣使男人錢。自從出嚟做嘢，連爹哋嘅錢都好少使。」
另一方面，昨日港股升上歷史性的二萬點，Mikki自爆有斬獲，她說：「放喺銀行冇息收，咪買吓股票，近期升值咗五位數字，好開心。」她否認與男友Sunni買樓，卻有意在08年拉埋天窗。
陳沛嘉重遊澳門
此外，陳沛嘉以澳門代表身份赴會，她說：「我住咗澳門20幾年，𠵱家新建築同名勝多咗好多，好似漁人碼頭我都未去過，真係要參加澳門一天團遊覽。」
採訪：RitaLeung 攝影：DickyChan
