人生總有高低起跌，好似意甲巴勒莫嘅巴西射手阿馬利上場對錫耶納場波重創，搞到隊友們聖誕假期走晒出去玩，佢就一個人留喺球會養傷。據講佢右膝十字韌帶受傷，最多要休息4個月，換言之，呢位今季已射入8球波嘅前鋒好可能提早收「咧」；而巴勒莫下半季相信亦好難保持強勢，意甲聯冠軍爭霸戰，都係剩番國米同羅馬兩隊競逐喇！