喺日劇《一公升眼淚》中飾演型仔醫生嘅日本男星藤木直人，噚日喺個人網頁宣布喜訊，原來佢已經喺月中榮升爸爸。今年34歲嘅藤木，上年12月27日同年輕五歲、拍拖九年嘅圈外女友低調結婚，雖然藤木冇公開BB嘅性別同體重，但初為人父嘅佢難掩興奮，佢喺網上向fans報喜訊。藤木已經喺前日交出世紙，仲向fans承諾會繼續唱好歌同演戲。