資訊「斷纜」，人人受害，球迷相信亦要因此受苦。像今日賽事頻繁，英超、英冠、英甲合共有近30場賽事吧，當中廿幾場同時開波，這些都是投注人熱衷的球賽，往往互串幾場過關。許多人都是一邊開着電視睇波，另一邊開着電腦，連接着報道現場戰況的網站，以求第一時間知道比數。
家陣斷了光纖電纜，地球村被封，連線到外國網站，難過中六合彩；本來由資訊科技拉到面前的球場，都返回遙遠世界的另一端了。
不過，有危亦有機，在這「斷纜」的日子，正好是測試球市，或是賽馬潛在市場的機會。
香港人上網成癡，我自己也每天對着電腦至少兩、三小時，平常只顧躲在家中上網的，線路不通悶得發慌，總會另尋出路，出街走走去找其他娛樂吧。
趁機另尋節目
到酒吧睇波或者去跑馬，至少都可以消磨幾小時，如果約埋三五知己，友儕相伴放縱些集體叫囂，正好可以抒發失去網絡的鬱悶呢!好提議吧？
張美德
記者出身的著名馬評人，現職馬會節目主持人。