名模琦琦與任達華早前拍廣告獲贈一張價值50萬的瑞士床褥，最近她獲邀為床上用品拍廣告，廣告商豪言承諾任她一世換床單、被套。拍攝期間，琦琦女兒Ella前來探班，母女二人即興來個溫韾合照。
名模琦琦近年成為多個名牌的代言人，護膚品、首飾、腕錶、鞋履等一應俱全。早前她擔任高級床上用品RoyalCover的代言人，全家被包起一世用的床單、被套，絕對能節省不少家用。
早前琦琦為RoyalCover拍攝一輯新廣告，她找來合作慣的攝影師SamWong、造型師Ling等，拍攝多個舒適、溫馨造型，琦琦說：「本來計劃去奧地利拍攝，不過我嘅時間表排得密麻麻，好難遷就，我又想留多啲時間喺香港，所以佢哋租咗四季酒店總統套房兩晚，帶咗好多被單、枕袋，買咗一大堆靚衫拍攝。」
玩轉總統套房
穿上真絲睡裙的琦琦躺在繡花床單上展現慵懶式性感，更有多個新娘造型，她穿上露肩婚紗配頭紗時，囡囡任晴佳（Ella）前來探班，她即抱起乖女，Ella變身花女，琦琦在訪問中難掩喜悅之情說：「我好似再嫁一次，今次唔係同華仔，係同囡囡結婚，咁啱佢件衫係白色。Ella第一次嚟探我班，因為平時喺片場、studio好亂、好污糟，唔啱小朋友，今次難得喺五星級酒店拍攝，舒舒服服。」
闔家遊廸士尼
琦琦透露今次酬勞滿意，廣告商更無限量任她一家一世任換床單、被套等，琦琦說：「老公同我都好忙，基本上一攬住枕頭就瞓得着，不過瞓覺佔人生三分之一嘅時間，所以瞓都要瞓得好。」她透露最愛純棉床單組合，色調則鍾情淺淡、亁淨的，如白色、米白等。
提到剛過去的聖誕，琦琦與丈夫任達華、女兒Ella一齊到了香港廸士尼樂園遊玩，她說：「我哋一家人喺disney酒店住咗一晚，玩足兩日，好開心！Ella最鍾意玩旋轉木馬，玩咗好多次。」
採訪：DebbieLum
