溫家寶總理在接見曾蔭權時二話未說便講股市，先是對香港在集資額上超英超美、恒指創二萬點歷史高位而感到高興，跟住便提醒大家要保持頭腦清醒、冷靜。
總理先生認真跟貼市場，通常作為領導人，對投資/機市場多避而不談，或略為帶過，說了等於沒說，以免惹來遐想，觸發市場波動，溫總如此苦口婆心，難道話中有話乎？
06年港股節節上升，是否大部份散戶都享受到這美好果實，似乎又未必。筆者有時會扭開電台或電視聽聽phonein節目，周不時聽到有散戶投資者在問：大市升咗咁多，點解某某股票仲跌嘅，幾時可見家鄉，要唔要止蝕？從這類屢聽不鮮的問題推測，已知並非全民皆happy矣！
其實從過去多次股市表現小回狂漲（連選擇價位「斬頭」的機會都唔畀你）之境況，已可意會到貨源甚至期指已盡落入強者手，例如上周二國企裂口開出升500點，恒指「無厘頭」三兩日可以升700幾點，難道是散戶的傑作乎？筆者雖然對評港股沒啥興趣，但有時見勢色不對，也要冒天下之大不韙奉勸投資者幾句，07年港股更加凶險，二萬點之上畀人哋賺啦，小心為賺粒糖，唔見間廠。
還是返回國際，美股牛氣沖天，但這牛有點像「機械牛」，簡直假到離譜，是本欄長期忠實讀者必知道冠一何所指，在此不贅。然而有心人為甚麼是連番加息、經濟大幅放緩、通脹高企、企業盈利預期下降，仍義無反顧力托，除錢多、息平外，究竟是牛仔總統魅力四射，抑或騎上虎背欲罷不能？差不多全人類對明年股市抱樂觀態度，筆者則不敢苟同，小心第1季已被嚇破膽！
祝新年進步！