名DJ葛民輝與音樂人楊振龍將會參與本月31日在尖沙嘴的大型倒數活動，兩人為將氣氛推到高峯，楊振龍表示會聯同性感女郎演繹三首歌，務求在視覺和聽覺上刺激觀眾，至於擔任司儀的葛民輝，也講明會臨場爆肚，還反問記者要不要high到舉起中指迎接新一年來臨。
每年世界各地會舉行不同形式的倒數活動迎接新一年來臨，今年「NokiaNewYear'sEve除夕BigParty」將在五個國家，包括香港、巴西和德國等地進行馬拉松式倒數活動，在香港方面，草蜢、容祖兒和陳奕迅等也會參與演出。
性感女伴陪在側
資深音樂人楊振龍當晚會負責打碟來掀起現場熱鬧氣氛，對於香港觀眾出名慢熱，楊振龍謂有信心能帶動觀眾情緒，他說：「嚟得呢個倒數派對都應該係玩得之人。我會表演三首歌，當中仲有好多視覺效果，例如有兩個着得好性感嘅女仔彈古箏、又有個性感女郎拉小提琴。」
但在旁的葛民輝卻口多多，爆去年楊振龍於台灣參與倒數活動的笑話，他笑說：「唔使驚，佢負責靠射空炮成為焦點，佢去年喺台灣做騷，一開始推部機，全場都冇晒電囉！」
不會乖乖照稿讀
至於葛民輝當晚將聯同另一位DJMini做司儀，向來鬼才多多的他已預告不會乖乖跟稿讀，他笑言：「到時世界各地都會睇住，所以倒數一刻一定要扮high。每年睇到世界各地嘅倒數，群眾之中一定有人會舉起粗口手指，我哋使唔使咁呢？總知當晚唔會太乖，呢一個騷一定係萬眾期待。」
採訪：王連連
攝影：陳順禎
場地提供：HABITURISTORANTETHEPIER
