上海策略置地上周話，以5.55億人仔（下同），買入上海佳成商廈商場，交易本身冇乜特別，但過咗幾日，有份內地報章報道，佳成商廈嘅投資者話冇單咁嘅嘢。
上海策置執行董事馬國雄噚日同華華講，單刁千真萬確，等緊審批，希望明年首季搞掂，之後會成為主要收入來源，每年有6000萬租金收入，商場差不多租晒，主要係內地品牌商店。
至於點解被人話流料，佢估可能有租戶擔心商場易手後，唔顧合約精神，趕走佢哋，然後加租租畀其他人。佢話，報道出街後，港交所都冇過問，暗示一切正常。
但上海策置要畀4.5億現金華東地產商杭來福買呢個商場，其他以發行代價股份支付，公司現有2億現金，即係要喺街籌2.5億，馬生話𠵱家仲諗緊，配股或借錢都唔定，大家明啦。