今年首個樂壇頒獎禮「新城勁爆頒獎禮2006」前晚圓滿結束，新城依然保持一貫分豬肉作風，頒發共94個獎項，差不多人人有份，不少網友對頒獎禮議論紛紛，更多是在網上宣洩他們的不滿。
annaboa：「使唔使個個都有獎呀？雖然話減咗幾十個獎，但都仲有咁多嘅？」
MCurry：「大部份都造馬！求其是但人有我有！最唔明白嘅係創意大獎用甚麼準則去批？」
菇吱：「有名分豬肉嘛，搞到年年啲人都對呢個頒獎禮無興趣都唔知為乜？」
pkelf：「年年睇新城都真係睇到眼火爆，盡顯樂壇黑暗嘅一面。」
小盈：「一向都唔睇新城個分豬肉頒獎禮！不過昨晚望咗兩眼，我覺得好似幼稚園畢業，所有人都有得上台攞獎！HAHA~~不過最怪都係2R&詹瑞文個獎，九唔搭八！」
資料來源：香港討論區