徐小鳳在紅館一連10場的演唱會前晚終告一段落，她邀請了林子祥（阿Lam）和鍾鎮濤做表演嘉賓，又和阿Lam在台上大玩撲蝶。其間一位身形肥胖的男歌迷上台助興時，竟被小鳳姐封為「豬扒先生」。
徐小鳳的「金光燦爛徐小鳳演唱會」前晚在紅館舉行尾場演出，她更特別換上另一襲白色毛毛低胸晚裝上台，觀眾反應熱烈，劉家昌和太太甄珍、向華強等都往捧場。
自誇常被撩
對於有觀眾高呼徐小鳳靚女，她幽默地說：「希望出馬路啲人都係咁叫我。」有觀眾又向她吹口哨，小鳳姐又風騷地說：「口哨聲我聽慣，我經常俾人調戲。」
當小鳳姐邀請一名身形略胖的男歌迷上台唱歌時，他隨着歌詞做動作，並躺在地上轉來轉去，她竟然嘲笑歌迷說：「我呢個角度睇埋去好似有塊豬扒喺煎pan。」小鳳姐還替男fans改花名叫「豬扒先生」。
小鳳姐前晚邀請了林子祥做表演嘉賓，二人拿着波點扇和絲巾大玩撲蝶，其後她從升降台到後台換衫時，叮囑曾墮台受傷的阿Lam要小心，千萬不要行近。阿Lam走近與觀眾作近距離接觸時，他大讚說：「觀眾好斯文，但我鍾意人搣我啲鬚。」話口未完即有觀眾搣他的鬚。其後小鳳姐再介紹鍾鎮濤（阿B）出場，二人大唱經典金曲。
生日擦餐勁
完騷後，徐小鳳到了尖沙嘴慶功，她表示很滿意這次演出，不過被熱情觀眾抓傷左手。問到下周一的生日怎過？小鳳姐說：「未諗，我希望世界和平，𠵱家做完騷，我會獎勵自己食嘢先，稍後會做巡迴演唱會，可能前幾年偷懶，今年先要勤力啲。」
採訪：李珮洳
攝影：陳順禎
