近日關之琳被發現與台灣首富郭台銘一起夜蒲。之之早前接受本報訪問時，表明以後不會公開講感情事，並慨歎與成功男士一起會被扭曲為貪錢。賺到盤滿缽滿的之之更表示隨時會退休，並離開香港往外地過新生活。
關之琳早前出席由她任代言人的MarjorieBertagne水療中心開幕活動，並接受本報訪問，問到護膚心得，之之說：「我諗皮膚好，好大原因係遺傳自父母嘅，另外我好勤力做運動，唔食煎炸食物，同埋睇中醫調理身體囉。」
談到工作，之之表示近年主要任內地產品代言人，她說：「內地嘅job只要你肯接，真係多到做唔完，我已經推咗好多㗎啦，但係都累積咗有20個代言人嘅身份，遲啲內地仲會頒個獎畀我㖭。」那電影工作呢？之之說：「有部戲傾緊，𠵱家仲心大心細。」
隨時離港隱居
問之之在內地賺到盤滿缽滿，有否定下退休大計？她說：「話唔定心血來潮咪退休囉，到時你哋突然見唔到我，即係我退咗休囉！退休後我一定會離開香港去外地過新生活，因為香港太多人識啦。」
怪自己太坦白
問之之感情生活，她即一臉堅決說：「我以後唔會講關於拍拖呢個話題，我過去太坦白，搞到傷害到人，我同個成功嘅人一齊又話我貪錢，同個平凡啲嘅人又話佢黐我。」日前平安夜之之被拍到與台灣首富郭台銘在上海夜蒲，兩人發現被追訪，顯得十分避忌，而前男友黃家諾則不時被踢爆夜蒲媾女，之之說：「咁拍拖係好正常嘅事，無論如何都戥佢開心。」
採訪：JessicaNgan
攝影：MatthewLam
