米杜士堡周二作客同愛華頓互交白卷，近8戰僅1勝，排聯賽16位，隨時唔覺意會跌落護級漩渦。而阿根廷外援艾卡賽後更慨歎：「我唔係馬勒當拿！」何出此言？事緣米堡領隊修夫基早前曾謂，假如艾卡傷癒復出後能操起狀態，將助球隊撥開降班陰霾。艾卡唔想孭鑊可以理解，但咁講即係一巴掌摑落修夫基度，認真唔畀面！