政府公布，上星期再委任多一位證監會非執行董事章晟曼，令到佢哋嘅非執行董事成員達到7個，如果計埋新任非執行主席方正，非執行董事人數8人，比6名執行董事仲要多。
新委任嘅章晟曼來頭唔小，據政府資料介紹，佢係全球市值第一大嘅花旗集團嘅全球銀行業務副主席兼亞太區首席運營官；之前就喺世界銀行及中國財政部擔任多個高層職位。
證監會就話，希望章晟曼喺金融事務方面嘅豐富知識及經驗，可以就證監會工作提供寶貴意見。另外，郭慶偉同廖柏偉嘅證監會非執董任期亦響本月底完結，所以政府亦同時宣布佢哋兩位續任嘅任命。三個人任期都係兩年，由07年1月1日至08年底。
至於證監會其他現任非執董，則包括曾鈺成、鄭維志、李王佩玲及廖約克。