「今時今日，咁嘅服務態度未夠㗎！」天王劉德華這句對白已成為消費者的口頭禪，遇上不稱心的服務，即質疑售貨員、侍應生「唔識做」，不過世上的確有很多諸多挑剔又蠻不講理的顧客，從事零售業的Sasa受得多寃屈氣，在網上發起全港零售業界一人10蚊行動，用來聘請劉華（劉的暱稱）為他們出口氣，「搵番劉華拍番個廣告叫好（顧）客之道！」
劉德華上述對白深入人心，零售業界卻「多得佢唔少」，阿葱指廣告「害人不淺，教壞人。」super_crew稱市民被這廣告洗腦，「佢哋真係以為自己畀錢就大晒㗎。」BPS說不少人以為自己是劉德華，有樣學樣，「啲客成日借呢個廣告去叫sales學習下待客態度，但廣告冇教客人用粗口鬧sales喎，點解佢哋又咁做？」
糾正刁民歪風
有網友吐苦水稱，度出這對白的人認真「大整蠱」，「𠵱家只可以用坎坷嚟形容我嘅工作。」華盛頓稱劉華有責任糾正刁民歪風，「教吓啲香港人咩係做人之道，之後再教佢哋做（顧）客之道。」
劉德華99年擔任旅遊發展局「優質旅遊服務計劃」推動大使，並拍下這個名為「優質服務、致勝之道」的廣告，03年添食，以電影《無間道》造型拍下另一輯廣告。
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，
電郵到：[email protected]