聯想集團（992）正致力提升國際品牌形象，最近開始喺環保包裝上努力，繼上月宣布，09年底前全面停用溴化阻燃劑等有毒物質後，噚日又話免費回收內地舊電腦。
喺綠色和平組織嘅綠色電子產品指南中，聯想原本排名墊底（以全球14大國際頂級消費電子企業作比較），最近聯想已升至第八位。綠色和平人士相信，聯想最新措施，有助排名上升。
講番回收，對手戴爾同惠普都有做，但以商用客為主，聯想則包括普通消費者。聯想高級副總裁陳紹鵬話，回收產品包括Lenovo筆記本電腦、台式電腦、服務器、ThinkPad筆記本電腦同ThinkCentre台式電腦，以及老品牌Legend電腦，只要符合標準，都可以享受聯想提供電腦免費回收服務。