「拆禮物日」蘇超上演愛丁堡市打吡，由赫斯主場對喜伯年，過程就認真火爆。喜伯年前鋒甸舒爾斯61分鐘博到12碼，親自射入追成2:2；佢就心急想執番個波再攻過，同主隊門將哥頓發生衝突，仲一槌打落哥頓度，結果由入波功臣變成「紅牌阿姑」。最後打多一個嘅赫斯以3:2贏波，甸舒爾斯真係要反省吓，唔好再咁衝動嘞！