萬眾鳳凰城太陽嘅靈魂人物尼殊，已經攞咗過去兩季常規賽最有價值球員大獎，都咪話唔威；呢位加拿大人喺星期二，又俾祖家嘅體育傳媒選為本年度最佳加拿大男運動員，雖然尼殊已經第3次得此殊榮，但佢依然好謙虛話自己得獎只係幸運喎。呢位控衞唔單只波打得好，為人又夠謙遜，如果聯盟設有最佳典範獎，肯定冇人同佢爭！