新一年，打工仔除咗想加薪外，可能唔少人都想每周五日工作。證監會自從7月開始實行五日工作後，其實仲有一啲維持周六上午提供服務，例如開放接待處及投資者熱線，但係經過半年評估後，決定07年1月1日起全面實施五天工作周。咁嘅德政，唔知同新主席方正上場是否有關。
證監話，發現喺過去數個月期間，公眾對該等服務的需求一直非常有限，因此相信全面實施五天工作周，唔會對市場及公眾造成重大影響。因此下個星期開始，證監位於中環遮打大廈8樓嘅辦事處，將會停止喺星期六辦公。投資者熱線電話28409333亦會停止喺星期六上午運作，但來電者仍可留口信，職員會喺下一個工作日作出回覆。不過，證監會24小時查詢熱線28409393嘅電話查詢系統會繼續運作，提供一般查詢。