法甲聯球隊馬賽日前決定,趁住呢個聖誕新年嘅聯賽歇冬期,飛去中東阿聯酋城市杜拜掘金,同德甲聯球隊拜仁慕尼黑、葡超聯嘅賓菲加、以及意甲聯嘅拉素,打一個賽會制友誼賽。以上4路大軍都算係歐洲數一數二班霸勁旅,但今季亦同時喺各自聯賽表現稍見失色。好心就趁住呢個歇冬期,畀班球員唞唞,或者做足下半季準備啦!