這裏沒有風聲、雨聲、讀書聲，卻有食薯片發出的「嗦嗦聲」，又有情侶接吻發出的「啜啜聲」，甚至更有女性發出的「呻吟聲」，這裏是哪裏？原來是理應保持環境寧靜的城市大學圖書館。
繼月中有城大學生在校內民主牆聲討有人在圖書館「生人霸死地」，用書和袋霸佔座位後，最近又有城大生在香港討論區的城市大學留言版，狠批同窗將圖書館變成「媾女同幽會勝地」。
情侶霸二人枱打茄輪
「𠵱家嘅library，啲人食嘢傾偈就不在話下，更甚係見到好多男仔或女仔走去撩啲異性玩。」網民oqqsar續稱：「一啲情侶喺牆角位嘅二人枱度打茄輪（接吻），曾經行過自修房外，竟然聽到微弱女性叫聲，大家可以估吓係啲乜嘢叫聲。」
城大校方為方便學生溫習，本月4日至20日首創通宵開放，沒想到會成為學生情侶幽會勝地，oqqsar形容好多情侶喺城大圖書館「唔係溫書」，尤其是晚上。網民Methy表示：「好多時都有情侶喺大堂嘅梳化度茄輪戰。」
不少城大網民都批評同窗濫用圖書館服務，kleinserenity批評：「道德淪亡！搞呢啲嘢唔該唔好喺library，霸住間房做啲咁嘅嘢。」
不過，城大學生會前會長黃志揚表示未見過類似情況：「我月中幾日都有通宵喺圖書館溫書，見唔到有情侶喺度接吻。」他還表示圖書館通宵開放有助學生溫習，希望服務可以延續下去。
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，
電郵到：[email protected]