過往湖人昔日「孖寶」奧尼爾同拜恩，經常進行口水戰，近排兩人已經冰釋前嫌，滿以為可以靜落嚟。點知日前湖人教練積遜接受訪問時，話奧尼爾當年效力湖人嗰陣工作態度散漫，「巨無霸」當然立即反擊，話積遜亂講嘢，冇句真。估唔到積遜、奧尼爾同拜恩當年合作天衣無縫，連續3年攞咗總冠軍，𠵱家分道揚鑣就爆發罵戰，都咪話唔諷刺！