聖誕節係普天同慶嘅日子，英超亦鬥得如火如荼，獨係熱刺前鋒廸科爾要喺屋企「過節」！事緣廸科爾嫌自己近排運氣不濟，於是落力祈禱，諗住有神靈庇佑會好景啲，點知佢好衰唔衰，喺上周六鬥紐卡素賽前熱身哎吔一聲──扭傷膝頭，球隊最終輸埋不特止，佢連周二鬥維拉時都應該上唔到陣，領隊祖爾仲爆呢名細路差啲喊埋出嚟，確係該煨！