英冠錫周三喺聖誕前夕唔使輸真係要多謝門將哥士利，呢位37歲嘅富咸借將今場雖失咗3球畀修咸頓，但佢喺補時階段棄關助攻，接應角球用頭槌頂入追平3:3完場。我求大俠睇咗咁耐波，龍門入波唔係咩驚人事，但今次哥士利勝在幫到買咗錫周三平手盤嘅球迷，等佢哋唔使輸晚聖誕大餐嗰度好嘢嘛！