名模周汶錡（Kathy）近月工作繁忙，常穿梭中、港及台灣三地工作，故她十分開心可以在港過聖誕，她說：「出街太多人，平安夜會同男友及好友喺屋企整聖誕大餐。」但原來Kathy早前在北京拉裴特城堡出席車展活動時，已率先感受聖誕節氣氛，她說：「嗰次係第一次去拉裴特城堡，好有歐陸風情好靚，好似唔使坐十幾個鐘頭飛機都可以去到歐洲咁，我仲同聖誕老人合照。」
內地建校有眉目
Kathy又表示今年工作成績不俗，她說：「忙咗成年，最開心嘅地方係可以做善事幫到內地小童，𠵱家已經成功籌到喺廣西興建半間學校嘅經費，所以今年嘅聖誕願望係可以喺明年籌埋另一半嘅善款，可以真真正正幫到內地小朋友改善讀書環境。」
撰文：RitaLeung
