梁詠琪和法籍男友Sly拍拖的首個聖誕節，因為GiGi要赴台灣三個星期宣傳國語新碟，而未能同度。GiGi表示會送新碟予男友作聖誕禮物，因為當日錄歌時，紀錄了她跟男友戀情剛萌芽的患得患失感覺，所以希望男友聽後會了解她當時的心情。
梁詠琪（GiGi）今年年中剛開始跟法籍設計師男友Sly拍拖，但二人拍拖後的首個甜甜蜜蜜聖誕節，GiGi因為要往台灣宣傳她的新國語專輯，未能一起度過，她坦言也感可惜，但因為要工作，迫不得已要犧牲二人的甜蜜時光，希望男友會體諒。
擴闊眼界
日前GiGi在太古廣場為本報拍攝照片，化身威尼斯女郎的她心情開朗，沐浴在愛河的女性絕對予人容光煥發的感覺。GiGi於本月中赴台灣三星期宣傳新碟，問她會送甚麼禮物給予男友呢？GiGi即時表示會送新碟，她稱雖然看似宣傳，但其實是有心思的，她解釋說：「因為我哋開始時，我啱啱錄歌，嗰時嘅心情係大家開始了解，感情未穩定，好患得患失，所以想送張紀錄住我特別心情嘅唱片畀佢，等佢可以聽到我嘅心聲。」
男友既是法國人，平時可有浪漫的舉動？GiGi如沐春風地說：「都差唔多啦，但喺佢身上擴闊咗自己嘅空間，因為佢會同我傾好多話題，如國家大事、環保等，令我都要睇多啲有關資訊去同佢溝通。」
身為公眾人物背後的男人，問她男友備受追訪，可覺壓力，GiGi謂：「咁當然有啦，始終佢係普通人，好多嘢都好難適應。」
採訪：馮美茵 攝影：陳慧安
服裝提供：Gucci
場地提供：金鐘太古廣場
髮型提供：Zivof04Orient4
化妝提供：DephineChan
