職場如戰場，打工仔爭取加薪猶如打一場「身價戰」，要百戰百勝最重要是知己知彼。有人事顧問認為，打工仔可趁農曆新年前，主動向其他機構求職，測試「身價」，然後再與現老闆商議加薪幅度。
與同事關係也影響加薪
「𠵱家搵定工差唔多，因為搵得嚟仲要見工，農曆年之後就會好多人爭。」中原人力資源顧問有限公司董事總經理周綺萍認為，打工仔要加薪，首先要知道個人職位和工種在市場上的價值，最直接就是求職「試水溫」，「有時你公司都唔知應該加幾多畀你，你搵到份好工，到時就可以畀上司知道你值幾多錢。」
合眾人事顧問公司總經理蘇偉忠說，如果與上司關係良好，打工仔不妨直接試探公司對自己的評價及加薪幅度，「要求加薪時可以強調自己想留喺公司發展，只係現時人工偏低。」
不少企業已落實員工明年的加薪幅度，卓越職業顧問有限公司董事總經理梁美儀說：「𠵱家都可以開始為07年嘅加人工鋪路，要緊記僱主釐定你嘅薪酬加幅時，唔單止睇你個人表現，仲會睇你同其他同事嘅關係。」
本報記者