「𠵱？阿囡，妳係咪唔舒服呀？面色唔係咁好喎！」網友candy上周四在上水火車站附近的天橋上，被兩名操大陸口音、打扮落伍的阿嬸「夾計」行騙，但candy夠機警，當面揭穿兩名阿嬸的陰謀。
身穿板仔服、自稱20多歲的潮女candy，上周四她在天橋碰見兩名分別50多歲及30多歲、衣着「極娘」的內地中年阿嬸。
同黨出場搵神醫
candy表示，阿嬸A首先拉着她，「做乜呀？都話咗冇嘢咯！我趕時間呀！」但是阿嬸仍然鍥而不捨「阿囡…唔係呢…呢排你係咪撞到污糟嘢？見你面色唔係咁好喎，我知…」candy打斷她的話說：「係呀！妳好勁呀！我俾人落咗降頭呀…咁你都睇到？撞到你咪烏雲蓋頂囉！你咪再煩我呀！」
這時，同黨阿嬸B出場，居然走過來問：「請問有冇聽過呢頭有個神醫呀？」candy滿肚怒火，指着阿嬸A說：「你問佢啦，佢一定知㗎！佢會帶你去啲公園仔或者啲空地祈吓福先！帶定錢呀！」兩個阿嬸聞言「呆咗」，candy一邊行一邊繼續鬧：「搵食返大陸啦，八婆！我認得你哋個樣㗎，有人報警我實點你哋出嚟！」
「你真係好醒呀！希望其他人唔好上當啦！」網友mclam說完，小天使接着道：「好好笑~~我都住上水，等我今晚返去睇吓撞唔撞到，到時我一定同佢哋講：今朝未俾人寸夠呀？」網友Sally927甚至為candy喝采：「妳好勁呀！鬧得好呀！咁你有冇報警，等啲差人喺嗰度拘捕佢哋？拉晒啲衰人吖嘛！」