曾經同薛景求、裴勇俊等當紅男星合作過，喺02年威尼斯影展攞過新人獎嘅32歲韓國女星文素利，噚日同36歲導演張俊煥喺京畿道南楊州市舉行婚禮。由於兩人希望婚禮能低調進行，所以只邀請咗80位親友出席。 呢對新人喺03年認識，但真正拍拖只係得一年多，文素利話婚後唔會息影，又話會去美國度蜜月。