《十萬火急》推出晃眼10年，喺各大碟場早已淪為「$50三隻」之流，今度乘着聖誕檔推出數碼修復版，本以為陀地做修復靚極有限，暫時最好只得由《李小龍》響朵嘅FortuneStar，估唔到今勻由天映娛樂修復做嘅《十萬火急》令人驚喜，幾幕火場戲本已拍得極之真實（杜Sir揚言全部係真火），經過細執後更有氣勢，火舌四飛幾Sharp吓，加埋音效首次支援dts，令火海包圍感更突出同震撼，天寒地凍坐定定睇，都不自覺感到熱氣騰騰！
雖然新版本喺Bonus方面冇乜新嘢睇，連製作特輯當年已喺電視播過，不過相隔10年，睇番杜Sir、青雲、方中信同一班演員圍住抽煙等埋位，戲裏戲外絕對相映成趣！
記者：龍影子